СААСКЫГА Печать    
Күннүк Уурастыырап тыллара

Саас буолан, күн уһаан сандааран,
Сүрэхпин үөрүүнэн уоттаата.
Тымныылаах кыһыҥҥы дьэ ааһан,
Киэҥ халлаан киэлитэ тунаарда.

Сотору, сотору үлүгэр,
Элиэнэ эҥсиллэ дьалкыйыа,
Күлүмнүүр долгуннаах үөһүгэр
Күн уотун оргула умайыа.

Оччоҕо ол көстөр мырааммыт
Күөх дьирим охсулла тунаарыа,
Күлүгэ көстүбэт салгыммыт
Көр ырыа уотунан сатарыа.

Дьэ кытаат, күн, уһаан сандааран,
Сүрэхпин үөрүүнэн уоттаарыый!
Кэтитиҥ тухары алааран,
Киэҥ халлаан киэлитэ, тунаарыый!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).