БИНТИЭПКЭБЭР Печать    
Күн Дьирибинэ тыллара

«Биэрэ кыыска иирээхтээн,
Миигин умнуоҥ, мэниктээмэ,
Хааннаах сүрэххин биэрээхтээн
Хаалыаҥ, быстыаҥ!» — диэхтээмэ,

Бэркэ таптыыр биэбэкэм,
Биэстэ эстэр бинтиэпкэм!

Өһөх-бөлүөх санаалаах
Өстөөхтөрбүт өстүлэр,
Кыһыл былаах тутуурдаах
Кыра дьонум үөрдүлэр,

Мичик аллай, биэбэкэм,
Биэстэ эстэр бинтиэпкэм!

Тууйар туман тымныыбар
Тоҥон тохтоон хаалбатах,
Сааһын салаҥ самыырбар
Илийэн эспэт буолбатах,

Эрэл доҕор бинтиэпкэм,
Этэр тылбын истээхтээ:

Өлөр, ыксыыр кэмнэрбэр
Үтүө доҕор буолбуккун,
Сэрии, кыргыс күннэрбэр
Сэргэх атас буолбуккун —

Умнуом суоҕа, биэбэкэм,
Биэстэ эстэр бинтиэпкэм!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).