ДЬОКУУСКАЙ ҮРДҮНЭН Печать    
Чаҕылҕан тыллара

Өлүөнэ эбэккэм үргүөрүн үрдүгэр,
Кэрискэ мырааным кэрдиитин иһигэр,
Тунаарар Туймаадам таманын киинигэр,
Туругуран тураҕын, Дьокуускай куоратым!

Күннэри, түүннэри эн үрдээн, тэнийэн,
Эн тутууҥ, собуотуҥ тыаһынан ньиргийэн,
Күлүмэх күүскүнэн өрүтэ күүрэҥҥин
Күлүмнүү тураҕын, Дьокуускай куоратым!

Самныбыт сахабын сырдыкка салайан,
Сайдыылаах суолларын аартыгын арыйан,
Дьон-норуот дьылҕатын дьоҕурдаан айаҕын,
Дьол, көҥүл уйата, Дьокуускай куоратым!

Туундара куйаарын тымырын булаҥҥын,
Толбонноох баайдарыҥ түмүгэ буолаҥҥын,
Сахаадам саргытын күлүүһүн тутаҥҥын
Сандааран тураҕын, Дьокуускай куоратым!

Күлүм күн анныгар күөгэйэ муҥутуур
Советскай Ийэ сир дьолугар туругур.
Үйэттэн үйэҕэ киэркэйэн үүнэ тур,
Эн үрдүк аналлаах, Дьокуускай куоратым!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).