КАПИТАН ГАСТЕЛЛО Печать    
Эллэй тыллара

Хараҥа былыт түүҥҥэ өлөрө-уора,
Халаатаан өрө көттө баай фашист суора
Көппүтэ ону билэн, кэккэтин үөрдээн,
Советскай Ийэ сиртэн, мохсоҕол бэрдэ.

Халлааҥҥа өстөөх биистиин Гастелло көрсөр,
Хаанымсах хара күүстэн, бииртэн биир умсар.
Халлааҥҥа хабыр этиҥ өрүтэ түллэр.
Капитан аалын көртө - кытарар төлөн...

Баҕарбат билиэн барыан, батталы көрүөн,
Баҕарар сидьиҥ бииһин, самнаран өлүөн!
Үөһэттэн көрдө сиргэ, үөр өстөөх баарын
Туругур дьоллоох дойдум! Туругур Эйэ!"

Умайар кутаа буолбут, самолет иннин
Танкалаах бөлөх диэки салайда кини:
"Баҕардар, миигин төлөн түрүтэ сиэтин,
Фашиһы хампы түһүөм, хайаатар да мин!"

Гастелло бомба буолан үөһэттэн түстэ
Өстөөҕү үлтү тэптэ, буорунан типтэ.
Туойуоҕуҥ Ийэ сиргэ төлөммүт иэһи!
Туойуоҕуҥ сүрэх аайы тыыннааҕы биһи!

Ким сырдык, өлбөт дьыала, кыайыытын була,
Советскай норуот дьолун дурдалыы барар
Мэлдьитин тыыннаах буолан ыҥыра туруо,
Гастелло – норуот уола, Гастелло герой.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).