ХОТУ ДОЙДУ СҮРЭҔЭ Печать    

И. Алексеев тыллара

Үлэ, таптал көмүс кыымын
Үрүҥ күҥҥэ тиийэ ыстыҥ,
Хоту дойду сүрэҕэ -
Хотун Лена эбэккэм!

Доҕор дьоҥҥо бүгэн сыппыт
Күндү баайгын бэлэх ууннуҥ,
Тайҕаларгын сандаарпыт
Куораттары эн куустуҥ.

Эн халлааныҥ үрдээн иһэр,
Эн саҕаҕыҥ ыраах күлэр,
Дьолу туойар долгунуҥ,
Дьикти уоттаах кустугуҥ!

Үйэлэргэ хомус тыаһа
Дьүрүһүйбүт кытылларгар,
Кэрэ кэскил биһигэ -
Кэтит Лена эбэккэм.





 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).