КЫРГЫТТАРБЫТ БИҺИЭНЭ

Егор Лаптев тыллара

Кыраһыабай кыргыттары
Хоһуйары ким сириэй,
Ол да буоллар бастыҥнары
Ордук ыллыыр үчүгэй.

Хос ырыата:

Эй, чэйиҥ, эрэттэр,
Билсиҥ эрэ, уолаттар!

Чысхаан тыалга, тымныыга
Сыһыы, кытыы сирдэргэ
Чаҕыйбакка сылдьаннар
Чиэстэннилэр кыргыттар.

Хос ырыата.

Кэрэхсэнэр кыргыттар
Кимнээхтэрий, кинилэр?
Мотя — хоһуун сылгыһыт,
Дуунньа — туйгун балыксыт.

Хос ырыата.

Үлэ, үөрэх аргыстанан
Үөрэр-көтөр Наташа
Үгүс элбэх ыччаттартан
Үүтү ыырга бастаата.

Хос ырыата.

Бары бииргэ турунан
Бастаатылар Машалар,
Күөрэгэйдии ыллааннар
Хайҕаннылар Дуунньалар!

Хос ырыата.