СОҔОТОХ ЭЙИГИН ТАПТЫЫБЫН Печать    
Егор Лаптев тыллара

Олоххо дьиҥ баары этэбин
Олуона буолуоҕа диэбэппин.
Сэгэрим, биэбэйим барахсан,
Соҕотох эйигин таптыыбын.

Имнэриҥ дьэдьэннии тэтэрбит,
Эдэркээн үчүгэй бэйэҕин —
Ситэри симэммит, киэргэммит
Сибэкки бэрдигэр тэҥниибин.

Эн нарын, ис киирбэх саҥаҕын
Куруутун истиэхпин баҕардым,
Эн сэмэй, эн мааны майгыгын
Биһирээн дууһабар иҥэрдим.

Сүрэҕим сөбүлээн, манньыйан
Сүр күүскэ эйиэхэ ыллардым,
Уостубат тапталтан умайан
Олустук даҕаны долгуйдум.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).