БЫРАСТЫЫ, ЭН, КАВКАЗ Печать    
Күннүк Уурастыырап тыллара

Бырастыы, эн, Кавказ, мин бардым
Муҥутуур Москва куоракка!
Мин ааппын суруйан хааллардым
Эн үрдүк үйэлээх очуоскар!

Өйдүүгүөн хаайыылаах бадахтаах,
Үүрүллэн сылдьыбыт бэйиэти, -
Хап-хара куудара баттахтаах,
Хаарыаннаах үчүгэй бэйэтин?

Билэҕиэн, сүүсчэкэ сыллаахха,
Ол бэйиэт эйигин туойбутун,
Будуллар, долгуйар бааллаахха,
Муораҕын өҥөйөн турбутун?

Ол Пушкин боруонса күлүгэ
Москва куоракка баар - турар,
Сүрэҕи-быары сүр үлүгэр
Сүүдьүтэн, аһыынан долгутар.

Мин эмиэ ырыанан ыаһахтаах
Ыраах сир ыччата буолабын,
Кытыастар сардаҥа сырдыктаах
Кыһыл күн күлүмүн туойабын.

Эн ыраас минньигэс салгыҥҥыи
Элбэхтик, астына мин истим,
Соловей чыычааҕын ырыатын
Соруйан, дуоһуйа иһиттим.

Бырастыы, эдэркээн саастаахпын.
Мин, баҕар, иккистээн эргиллиэм!
Бырастыы, бырастыы, мин бардым,
Бирибиэт Пушкиҥҥа тириэрдиэм!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".