УОЙ ДА УОЙ... Печать    
Күннүк Уурастыырап тыллара

Бэҕэһээ киэһээҥҥи биэчэргэ
Билсиһэн, кыратык кэпсэтээт,
Биир эдэр кавалер уол баара
Миэхэҕэ сүрэҕин туттарбыт.

Уой да уой, түргэнин баҕаһын,
Уолаттар сүрдээхтэр даҕаны!

Уон илиис кумааҕы тухары
Уп-уһун суругу суруйбут,
Ол кэннэ олбуорга аҕалан
Уу кутар уһаакка кыбыппыт.

Уой да уой, куттаммат да буолан,
Уолаттар сытыылар даҕаны!

Эгэлгэ тылынан ситэрэн,
Элбэхтик таптыырын кэпсээбит,
Эргитэн, тиһэҕэр тириэрдэн,
Эйэҕэс эппиэти эрэйбит.

Уой да уой, дьиибэтин эбитин,
Уолаттар дьиктилэр даҕаны!

Катя кыыс: "Хайыыбын?" - диэбиппэр, -
"Хардарыах тустааххын", - диэн эттэ.
Галяттан ыйытан көрбүппэр, -
"Хардарыа суохтааххын", - диэн кээстэ.

Уой да уой, хайыырбын булбатым,
Уолаттар олустар даҕаны.

Итинэн ол сурук, дьэ, миигин
Иэдээннээх эрэйгэ тириэртэ, -
Хааһылаах суораттыы бутуйан,
Харааччы булкуйан кэбистэ.

Уой да уой, уой-уойбун, доҕоттоор,
Уолаттар мөкүлэр даҕаны!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).