КӨЛҮКЭЧЭЭН Печать    
Күннүк Уурастыырап тыллара

Көмүһүкчээн ини мөһүүрэчээн,
Төгүрүкчээн ини көлүкэчээн,
Кылбачыгас ини долгуҥҥун
Кытыыларгар ини тиэрдээриий,
Кылыкынас ини отторгун
Кырыылаахтыы ини бигээриий.

Көмүһүкчээн ини мөһүүрэчээн,
Төгүрүкчээн ини көлүкэчээн,
Кыһыннардаах ини кыраайбыт
Кыдааннарын ини кыйдаата,
Кыталыкчаан ини кыылларбыт
Кыҥкыначчы ини ыллаата.

Көмүһүкчээн ини мөһүүрэчээн,
Төгүрүкчээн ини көлүкэчээн,
Халыҥныыра ини хаардарбыт
Хараараахтаан ини уулунна.
Халааннардаах ини ууларбыт
Халыһыйан ини уһунна.

Көмүһүкчээн ини мөһүүрэчээн,
Төгүрүкчээн ини көлүкэчээн,
Сирэмнэрдээх ини сирдэрбит
Сибэккинэн ини чэлгийдэ,
Сэбирдэхтээх ини киистэбит
Силигилээн ини киэркэйдэ.

Көмүһүкчээн ини мөһүүрэчээн,
Төгүрүкчээн ини көлүкэчээн,
Сардаҥалаах ини күннэрбит
Саһарҕатын ини күллэрдэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".