ТАБАҺЫТТАР ЫРЫАЛАРА Печать    
И. Кузьмин тыла

Туундара тунаар иэнинэн
Тыал-куус баҕар дьаарбайдын.
Суолу тибэр силлиэ түһэн
Сулустары саһыардын.

Хос ырыата:

Хоту дойду, дохсун тымныы
Хоһуун дьоннуун атастыы.
Һоо! һоо! Сиэлэн иһиий
Ньуоҕуһутум эбэн биэриий!

Арыт халлаан суорҕаннаахпыт,
Арыт сыа хаар тэллэхтээхпит,
Дьогдьоон хайа сыттыктаахпыт,
Дьүкээбилгэ иттэбит.

Хос ырыата.

Уу сүүрүгүн курдук үллэн
Ураа-лаҥкыр муостаахтарбыт,
Күн-түүн элбии турдуннар диэн
Кыһын-сайын кыһаллабыт.

Хос ырыата.

Саас кэлиитэ ыраах хоту
Ыстаадаларга тиийиэхпит,
Тыйыс тыыннаах муора хоту
Тоҕойугар дьиэлэниэхпит.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).