ТҮҮЛ Печать    
Ф. Софронов тыллара

Үчүгэй да түүлү мин бөлүүн түһээтим.
Үйэбэр бу маннык мин түһүү илигим.
Эдэрбин арай мин эргиппит эбиппин,
Элик кыыл табалыы, элэҥнэс буолбуппун.

Күн уоттаах, күөх оттоох хонуунан сүүрэбин
Күүскэ да, күүскэ да тэбиэлиир сүрэҕим,
Саҕахтан кыыраччы күөрэйбит көмүс күн
Сандааран турара көрүөхтэн кэрэтин.

Оо, күнү, оо, күнү, уот күнү көрөбүн.
«Оо, өссө да эрдэ!— диэн сөҕөбүн.—
Оо, күнүм киириэҕэ билигин да ыраах!» —
Уйдара дайабын дьиэрэҥкэй ырыалаах.

Умайар уот күҥҥэ утары сүүрэбин
Уонна күн суоһуттан уһуктан кэлэбин.
Оо, күнүм киириэҕэ билигин да ыраах,
Уйдара дайабын дьиэрэҥкэй ырыалаах.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).