ӨЙДӨБҮННЬҮКТЭР Печать    
Семен Данилов тыллара

Сахам сирин алаастарын ахсын
Кыһыл сулустаах өйдөбүнньүктэр
Турбуттар Улуу сэриигэ охтон
Төннүбэтэх геройдар кэриэстэригэр.

Хос ырыата:

Умнумаҥ охтубуттары, тыыннаахтар,
Кэриэстээҥ ол геройдары, сахалар.
Кинилэр этилэр Ньургун Боотурдар!
Кинилэр этилэр Манчаарылар!
Кэриэстээҥ! Кэриэстээҥ!
Ол геройдары, сахалар, сахалар!

Охтубуттара дойдуларын туһугар
Сырдык тыыннарын толук ууран.
Көмүс уҥуохтара Ийэ дойдуларыгар
Көмүллүбэтэх хоруоп хомолтолоох.

Хос ырыата.

Арай ол геройдар ийэ куттара
Сылдьара буолуо бу алаастарга.
Кыттара буолуо хоһуун санаалара
Дьон дьолугар, үтүө кыайыыларга.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).