ТӨҺӨ ДА ТАПТААБАТ БУОЛЛАРГЫН

С. Данилов тыла

Төһө да таптаабат буолларгын
Көрдөһөбүн кыыһырбаккар.
Миигин эн умун диир сааскыгын
Кыайан умнубат буруйбар.

Хос ырыата:

Тунулҕаннаах ньуурдаах туйгуна
Бастакы сырдык мин ырам
Аан бастаан миэхэ бу дойдуга
Доҕоруом диэбиттээх баарыҥ.

Тумулга хатыҥ сэбирдэҕэ
Көҕөрөн ситэн эрэрэ
Көрүдьүөс көтөр - этэр кэҕэ
Күннүктээн онно этэрэ.

Хос ырыата.

Куотуһа туойар күөрэгэйдэр
Туйаара дайар этилэр
Ньургуһун эдэр сибэккилэр
Нуорайан көрсөр этилэр.

Хос ырыата.

Ол күнү мин хайдах умнуомуй?
Киэҥ алаас сааскы чаҕылы
Тунулҕаннаах ньуурдаах ньургуһуну
Эйиигин сырдык тапталын.

Хос ырыата.