ҮӨРЭММИТ ОСКУОЛАМ

С. Гольдерова тыла

Оҕо саас дьиктилээх эйгэтэ
Үгүс ааспытын да кэннэ
Олус да күндүтүк, истиҥник
Саныыбын эйиигин оскуолам.

Хос ырыата:

Үөрэммит оскуолам барахсан
Үтүөҕэ-кэрэҕэ эн сирдээ.
Үлэҕэ-үөрэххэ уһуйа
Ыччаккын сайдыыга көҕүлээ!

Ардыгар мин түһээн көрөбүн
Ол дьоллоох эдэркээн кэмнэрбэр
Сырдык күн сыдьаайбыт кылааспар
Аан бастаан таптаабыт аҥарбар.

Хос ырыата.

Бүгүн мин эйиигин көрсөөрү
Эргиллэн кэллим дии оскуолам
Үөрэххэ угуйбут учуутал
Эйиэхэ махталбын этэбин.

Хос ырыата.