Л. Попов гыла
Ыллаатыҥ эн нарын ырыаны Доҕоруом, долгуйдум даҕаны, Эн сырдык мичээргэр көрөбүн Күндэлэс күөх халлаан күлүмүн, Оттон эн ырыаҕар истэбин, Тыгыалыыр үрүйэ тыастарын. Доҕоруом, ырыанан кэпсээтин Саргылаах сааскыбыт кэлбитин, Күүскэ - күүс, дьолго - дьол эбэрин, Үлэҕэ кыайыыны биэрэрин, Доҕоруом, ырыанан кэпсээтин Эйэлээх олохпут кэрэтин.
Эн ырыаҥ сааскыга маарынныыр, Саас кэллэ, сүрэҕи кынаттыыр, Көҕөрө күлүмнүүр Мырааҥҥа, Сүүрээннэр күлүмнүү сырсаллар. Туус маҥан хатыннаах чараҥҥа, Ымыылар мунньустан ыллыыллар.
« Төттөрү
|