МИН ХОМУСПУН

С. Спиридонова тыла

Санаабар, хайдах эрэ
Мин - хомуспун:
Эн сылаас тарбахтарын
Ибигирэс уостарын
Даҕайдаллар эрэ
Дьүрүһүйүөх курдукпун,

Оччоҕо сэрэйиэҥ этэ
Мин уоттаах тапталбын -
Күндэлэс күн анныгар
Сардаҥа көмүс ардаҕар
Соҕотох эйиигин эрэ
Салгыбакка күүтэбин.

Санаабар хайдах эрэ
Мин - хомуспун:
Нуктаабыт алааспыттан,
Эбэтэр күөх чарантан
Мин ырыам кутуллуох этэ
Арай эн миигин булларгын.