ӨРӨГӨЙ ЭЙИЭХЭ, ӨКСӨКҮ!

И. Унаров тыла

Өксөкү ураанхай олоҕор
Ынырар уот сулус кэриэтэ
Үйэлэр түстэрин унуордаан
Сайдыылаах олоххо сирдээтэ.

Хос ырыата:

Түмсүүбүт кэскилбит тирэҕэ
Ийэ сир иниэттэр үөрүүтэ
Дьол-соргу туруктаах суолдьута
Алгыс тыл аһыллар аартыга!

Кэлэр кэм үрдүккэ тардыһар
Өй күүһэ биһиккэ иитиллэр
Өбүгэм үгэһин утумнуур
Өксөкү кэриэһэ дьэ тиллэр.

Хос ырыата.

Олохпут кэскилин түстээбит
Улуукан киһини уруйдаан,
Кэриэс тыл дириҥин анаабыт
Кинини киэн туттан айхаллаан.

Хос ырыата.