КЫАЙЫЫ ЫҺЫАҔА Печать    
Л. Попов тыла

Чээлэй хочо, чэл-мыраан,
Чэлгиэн алаас, күөх унаар,
Үрүҥ илгэ, өҥ-быйан,
Үтүө салгын, сай-сайын!

Хос ырыата:

Көнүлбүтүн-чиэспитин
Көмүскэһэр сэриигэ,
Ийэ сиргэ иэспитин
Толордубут биһиги!

Түөлбэ күөлгэ маарынныыр
Түһүлгэни төрүттээн,
Көрү-нары барытын
Көҕүлүөҕүҥ, көмүстээр!

Хос ырыата.

Төрүүр ыччат төлкөтүн
Түстэһэбит сахалар,
Кэлэр олох кэскилин
Оҥорсобут сахалар!

Хос ырыата.

Күүрээннэрдээх үлэҕэ
Күүспүт күүрдүн, чиҥээтин,
Үүнэр, сайдар үйэдэ
Өрөгөйбүт үрдээтин!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).