БИЭС УОММАР Печать    
Л. Попов тыла

Биэс уоммун туолбуппун
Билбэккэ соһуйдум.
Саҥа мин олохпун
Саҥалыыр курдукпун.

Мин сүгэм олуга
Бу саҥа күөрэйэр
Хотуурум тойуга
Бу саҥа дьиэрэйэр...

Айаным суолларын
Мин саҥа дьиэ тыырдым,
Ыраатар сыллары
Сырсыахпын баҕардым.

Салгыным сайаҕас,
Күнүм да күндэлэс.
Аартыгым аһаҕас,
Барыта киэҥ, дэлэй!

Эдэр саас хомуһа
Сүрэхпэр ыллаатын,
Кэлбит кэм уһуна -
Биэс уон саас аччаатын!

Мин сүгэм олуга
Бу саҥа күөрэйэр
Хотуурум тойуга
Бу саҥа дьиэрэйэр...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).