ТӨҺӨ ДА ТАПТААБАТ БУОЛЛАРГЫН Печать    
С. Данилов тыла

Төһө да таптаабат буолларгын
Көрдөһөбүн кыыһырбаккар.
Миигин эн умун диир сааскыгын
Кыайан умнубат буруйбар.

Хос ырыата:

Тунулҕаннаах ньуурдаах туйгуна
Бастакы сырдык мин ырам
Аан бастаан миэхэ бу дойдуга
Доҕоруом диэбиттээх баарыҥ.

Тумулга хатыҥ сэбирдэҕэ
Көҕөрөн ситэн эрэрэ
Көрүдьүөс көтөр - этэр кэҕэ
Күннүктээн онно этэрэ.

Хос ырыата.

Куотуһа туойар күөрэгэйдэр
Туйаара дайар этилэр
Ньургуһун эдэр сибэккилэр
Нуорайан көрсөр этилэр.

Хос ырыата.

Ол күнү мин хайдах умнуомуй?
Киэҥ алаас сааскы чаҕылы
Тунулҕаннаах ньуурдаах ньургуһуну
Эйиигин сырдык тапталын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).