СЫБААЙБА ЫРЫАТА Печать    
С. Данилов тыл.

Бу дьиэҕэ, бу саҥа кэргэҥҥэ
Күн сирин үтүөтүн баҕаран,
Уруйдаан-айхаллаан эрэбит,
Улахан урууга мунньустан.

Хос ырыата:

Тапталлаах дойдубут туһугар
Үлэнэн дьолгутун толорон,
Үөрүүнү-мичили кытары
Оҕолор дьоллоохтук олоруҥ.

Өбүгэ саҕаттан төрүттээх
Үчүгэй үгэһи ситэрэн,
Этиэҕин оҕону биһиктээн,
Дьоһуннаах дьиэ-кэргэн сиэринэн.

Хос ырыата.

Эһиги дьолгутун холбообут,
Тапталгыт хаһан да сойботун,
Күн сылаас илгэлээх уотунуу
Өрүүтүн сыдьаайа туруохтун.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).