ЭН ЫЛЛАА МИЭХЭҔЭ Печать    
И. Артамонов тыла

Эн ыллаа миэхэҕэ,
Тапталлаах ырыаҕын,
Сарсыарда Ленаҕа,
Күн хайдах тахсарын...

Айылҕа иһийэн,
Түүн үөһэ чуумпурда,
Талахха кирийэн,
Татыйык утуйда.

Ити эн ырыаҕын,
Тыал ыраах илдьиэҕэ,
Киэҥ Лена долгунун,
Тохтотон истиэҕэ,

Сэһэргиэҥ элбэҕи,
Сүрэҕим дуоһуйуо,
Үөрүүнэн биһини
Үрүҥ түүн уруйдуо.

Илиҥҥи саҕахпыт,
Тэтэрэ умайыа,
Күөрэгэй чыычаахпыт,
Үөһэттэн туйаарыа,
Оччоҕо миэхэҕэ,
Эн ыллаар ырыаҕын,
Сарсыарда Ленаҕа,
Күн хайдах тахсарын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).