ҮРЭХ УҤУОР Печать    
Л. Попов тыла

Үөмэх үөттээх үрэх унуор
Үрүҥ былаат көстөр, сүтэр...
Сүрэх таайар: кини буолуо,
Кини буолуо, - сүрэх этэр.

Хос ырыата:

Доҕор кыыспар, ырыам, көтүүй,
Бииргэ сырыт, бэйэм курдук,
Таптал тылын кыыспар этиий,
Бэркэ кистээн, бэйэм курдук.

Үлэм бүтэн, унуор туруом,
Күҥҥэ тэҥнээх күммүн көрүөм,
Үрдүк сыырга күүтэн туруо,
Саҥа көрбүт курдук үөрүө.

Хос ырыата.

Үөмэх үөттээх үрэх уҥуор
Үрүҥ былаат көстөр, сүтэр...
Сүрэх таайар: кини буолуо,
Кини буолуо, - сүрэх этэр.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).