КЭЛЭР ҮЙЭ КИҺИТИГЭР Печать    
С. Данилов тыла

Мин төрөөн төлөһүйбүт алааспар
Эн үөскүөн, олоруон, билэбин.
Эйиэхэ ол ыраах бырааппар,
Бу ыллыыр ырыабын аныыбын.
Дьиибэргии, сонньуйа эн ааҕыан
Дирбийэр мин ырыам хоһоонун,
Биһиги үйэбит халлаанын,
Эн көрүөҥ охсуһуу толоонун.

Биһиги эн убай дьоннорун
Дүрбүөннээх үйэҕэ олоорпут,
Олохпут бу сырдык хоһоонун
Охсуһуу уотугар айарбыт.
Күн аайы куттанан турбакка,
Өлүүнү утары барабыт,
Таптыырбыт, ыллыырбыт дьыбарга,
Буурҕаҕа муммуту сирдиирбит.

Мэһэйи, өлүүнү эһэрбит,
Эн үөскүүр күөх мичил алааскар,
Күн аайы суол солуур этибит,
Өспөт дьол айанын аартыгар.
Көмүскээн чэлгиппит алааспар
Эн үөскүөҥ, мичээриэҥ - билэбин,
Быраатым кэлэн мин үрдүбэр,
Атаар! - диэн кэриэспин этэбин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).