КҮҮТЭР ЧӨРКӨӨХ БАРАХСАН Печать    
В. Алексеев тыла

Кыйдаан кыһын арахсан
Кырыа хаарын ууллуута
Чаҕыл күнүм кылбайан
Чаҕылыйа кыыһыыта.

Хос ырыата:

Күүтэр Тааттам кытыла
Ньургуһуннаах кырдала
Күүтэр сүрэх дьолунан
Күннээх Чөркөөх барахсан

Көмүс дуораан сүүрүгүн
Көҥүл босхо көтүтэн
Күөрэгэйим көйгүөрүн
Күөх аларга күөрэйиҥ.

Хос ырыата.

Сааһырыыттан даҕаны
Санаа самнар буолбатын
Өспөт үтүө баҕаны
Өрө тутан күөрэттин.

Хос ырыата.

Өрүү Чөркөөх эдэр саас
Мэктиэтинэн буолуохтун
Таптал үлэ, дьол сылаас
Тойуктарын туойуохтун.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).