ТАПТАЛБЫТ СЫЛААҺЫН ТУМНУМУОХ Печать    
С. Элякова тыла

Күрэнэн эрэллэр сылларбыт
Ыраатан бардылар саастарбыт,
Оо, күн-дьыл былыта саһыарбыт
Үтүөкэн даҕаны кэмнэри.

Хос ырыата:

Доҕоруом, аймана ахтыһыах,
Тапталбыт сылааһын тумнумуох,
Уруккун курдук эн, үөрдэҥҥин
Сибэкки дьөрбөтүн бэлэхтээ.

Эдэркээн саастары санааммыт
Тахсыахха үрэхпит биэрэгэр,
Ол ааспыт сыллары эргитэн,
Сиэттиһэн хаамсыахха чуумпуга.

Хос ырыата.

Кырдьартан санаабыт түспэккэ
Үлэлиэх, олоруох, айсыһыах
Сиэннэри олоххо үөрэтэн,
Тапталбыт сылааһын тиэрдиһиэх.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).