БАҔА САНААМ

Лана Юргина тыллара

Баҕа санаам, ыра санаам
Ыраах сандаара умайыый,
Ыллыыр ырыам кынаттанан
Үөһэ халлааҥҥа эн дайыый.

Түүҥҥү санаам, ыра санаам
Имнии сүтэн хаалымарыый,
Тахсар күнүм сарыалыныы
Чүмэчибин эн уматыый.

Умай, умай мин чүмэчим,
Умай, баҕа санаам.

Баҕа санаам баламатын
Баалаабакка, бараабакка
Көмөр буолбут, сөҕүрүйбүт
Дууһа уотун эн күөдьүтүүй.

Түүҥҥү санаам, баҕа санаам
Имнии сүтэн хаалымарыый.
Тахсар күнүм сарыалыныы
Чүмэчибин эн уматыый.