ДЬОЛ КӨЛҮЧЧЭТЭ Печать    
Лана Юргина тыллара

Халдьаайым дьэдьэнин сытынан
Абылыы дыргыйар ытыскар
Көлүччэм дьэп-дьэҥкир уутуттан сомсоҥҥун
Эн миэхэ утары ууммутуҥ.

Хос ырыата:

Ыймахтаа, ыймахтаа
Сөп-сөрүүн утаҕы,
Сүрэҕи уоскутан
Ыймахтаа.

Эйиэхэ утары хардыылаан
Оргууйдук мин уоспун сэгэтэн
Сардаҥа кыырпаҕын ыспахтыыр
Дьол сөрүүн утаҕын испитим.

Хос ырыата.

Көлүччэм дьэп-дьэҥкир уутугар
Күлүкпүт силбэһэ көһүннэ
Хаамсыбыт ыллыкпыт тиксиитэ
Сүрэхпит биир тэҥҥэ битийдэ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).