БИЛСИҺИЭХ Печать    
Виталий Власов тыллара

Мин Эйигин, Эн миигин аан бастаан
Мичээрдии сөбүлүү көрдүбүт,
Билсиэхпин баҕардым албастаан
Биллибэт ааттарбыт-төрдүбүт.

Хос ырыата:

"Билсиһиэх, иккиэбит билигин?! —
Биэрээриий илиибэр илиигин:
Тохтоото... — бу дьоллоох мүнүүтэ,
Тосхойдо! — тапталбыт үүнүүтэ!
Эргиччи сир, халлаан сырдаата,
Эппэҥнэс сүрэхпит ыллаата!"

Харахпар оҥорон көрөрүм
Хайҕаллаах ис киирбэх кэрэҕин,
Куруутун Эйигин көрдүүрүм
Көстөөт да таптатан эрэҕин!

Хос ырыата.

Сүрэҕим "билсиэх" диэн эрэйэр,
Соҕотох буоларгын сэрэйэр.
Болҕой дуу: мин Саха уолабын,
Баарбынан Эйиэнэ буолабын!

Хос ырыата.

Сиэдэрэй чыычаахтар ыллыыллар
Сир, халлаан үөрбүккэ дылылар,
"Билсиһиҥ," — диир эбээт тулабыт
Биһиги аналлыы буолабыт!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).