САНААБЫН ӨЙДӨӨРҮҮЙ Печать    
Виталий Власов тыллара

Эн миигин көрөргүн биллэрбин
Эйиэхэ сурукпун мин ыытыам
Эппиэккин ааҕаммын үөрдэрбин
Тааттабар күүлэйдии ыҥырыам.

Хос ырыата:

Доҕоруом, мин диэки көрөөрүүй,
Мин баҕа санаабын өйдөөрүүй,
Ньургуһун курдук Эн кэрэҕин,
Түүн аайы мин түүлбэр киирэҕин.

Ол оннук биир үтүө киэһэҕэ
Оргууйдук уоскуттан ууруоҕум,
Доҕорбун бар дьонум билиэҕэ:
Олохпор аргыстаах буолуоҕум.

Хос ырыата.
Эйигин эрэ мин таптыырбын
Чуумпуга сипсийэн этиэҕим,
Тапталыҥ сылааһын ылларбын
Үйэҕэ сурэхпин биэриэҕим.

Хос ырыата.

Соҕотох Эйиэхэ аныаҕым
Бастакы бүтэһик биир тылы.
Дьоллоохтук эрэнэ саныагым:
Туоруохпут Эн биһи сүүс сылы!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).