ДУОРАҺЫЙ Печать    
Виталий Власов тыллара уонна мелодията

Кырдьар кырыыс муҥун
Көрсөр кэммит кэлиэ,
Үгүс хаары тэпсэн,
Дьолбут-сорбут көстүө!
         Төлөн кыымнаах,
                   чохтоох уокка
         Быраҕыллар
                   сиэрэ курдук -
         Күлүм көстөөт,
                   Кыырык кырдьан
         Сиртэн-уоттан
                   Арахсыахпыт!

Киһи диэн айылгыта
         Далайга умсан,
Ким бары бу сиргэ
         Үйэтэ уһуон дьулуһар,
Аан дойду Айыы далбар
         Кэрэтин сомсон,
Үйэ-саас салпакка
         Олоҕо тупсуон баҕарар!

Хос ырыата:

Оннук,
         кэллим биирдэ олороору,
                  ытык иэспин толороору,
Дьылҕам Одун оҥоһуутун
                            буллум,
Олохпор өлбөт-сүппэт -
          «Ырыабын оҥорон хааллардым!»...
Киһи үрдүк таҥаратын
           Үҥэр Айыым, үөһэ көтүт:

Ырыанан дойҕоҕо:

«Дуораһый, дорҕооннорум,
                 Халлааммар -
Таласпыт ырыаларым
                 Туоллуннар!
Охсуһан хоппут хаһыым
                 Сулуһа -
Олохпор сырдык суолу
                 Ыйдыннар!!!»
1989 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).