ИЙЭ ТЫЛ Печать    
Виталий Власов тыллара уонна мелодията

Төрөөбүт төрүт тылым
Бу тыынар салгыным курдук,
Иитиллибит ийэ тылым
Бу иһэр утаҕым курдук.
Саҥарбыт саха тылым
Үөскээбит алааһым курдук,
Ыллаабыт ытык тылым
Үүт хатыҥ чараҥым курдук.

Хос ырыата:

Үйэлэннин-иһилиннин
Төрүт тылым сүөгэйэ-сүмэтэ,
Кэскиллэннин-этилиннин,
Ийэ тылым сүүрүгэ-үрүйэтэ!
Саргыланнын-кынаттаннын
Саха тылым кэрэтэ-кэрэмэһэ,
Айылыннын-айхалланнын
Ытык тылым эҥитэ-элэмэһэ!

Кэпсээбит кэрэ тылым
Киэһээҥҥи кии түптэм курдук,
Истибит истиҥ тылым
Дьэдьэннээх сүөгэйим курдук.
Үөрдүбүт үтүө тылым
От охсор ходуһам курдук,
Дьоллообут дьоһун тылым
Ыһыспыт ыһыаҕым курдук.

Хос ырыата.

Үйэбэр үҥэр тылым
Киҥкиниир халлааным курдук,
Хайҕаабыт хаарыан тылым
Хотугу Чолбонум курдук.
Ийэбин иэйэр тылым
Иэйэхсит илдьитин курдук,
Аҕабын ахтар тылым
Айыыһыт алгыһын курдук!

          Дом!!!
     Дом ини Дом!!!

1996 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).