XX ҮЙЭ БҮТЭН ЭРЭР Печать    
Виталий Власов тыллара

Сүүрбэһис Үйэ тэҥник хааман бүтэн эрэр —
Сүүс сыл кэмэ элбэх дуу, аҕыйах дуу?
Ааста олох ынырыга, өрөгөйө —
Оо, туох да диэҥ, бу мин үйэм — Көмүс үйэ!

Сэрии хаана иҥэн хаалла суорба тааска,
Сут-дьыл сахха быстар Көһүү өйгө сөҥнө,
Сайдар сыдьаай ытар охтуу тиргилиннэ,
Өркөн көрүү ыйы нөҥүө чыпчаалланна!

Хос ырыата:

«Ийэ Сирим» бэйэтигэр саба тардан,
«Аҕа Халлаан» дьылын сүөкүү сыстан ылла,
«Оҕо үйэ» онтон үөскээн кэмин күүтэр,
Төрөөн эрэр көтөр өйдөөх, тимир үйэ!

Сүүрбэһис Үйэ, күн-түүн кырдьан бүтэн эрэр...
Тугу оҥордум бу олохпор, бэйэм үйэбэр?
Кэннибиттэн хомолтом уонна үөрүү кыымым
Атаараллар, далбаатыыллар, сайыһаллар.

Оҕо сааһым кыламана сабылынна,
Эдэр сааһым туман курдук симэлийдэ.
Түүҥҥү түүллүү олох-дьаһах устан иһэр,
Кэлэр үйэ дьоло-соро угуйа күүтэр.

Хос ырыата:

Уруйданнын, Үрдүк Айыы — «Аҕа халлаан»,
Айхалланнын Күөх-чээл Кэрэ — «Ийэ дойдум»
Тускулланнын, кэлэр тэтим — «Оҕо үйэ»:
Кэтэһэбит «өйгө суоҕу, үөйбэтэҕи!!!»

1993 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).