МЭҤЭ ХАЛЛААН Печать    

Виталий Власов тыллара

Киэҥ халлаан ийэтин-аҕатын
Таайаары гынабын, таайбаппын,
Өй-сүрэх кыайтарбат баҕатын
Ыллаары гынабын, кыайбаппын.

Киэҥ куйаар куйаарын таайаары
Халтайга сордонон эрэбин,
Буолбаттан буолбуту туойаары
Былыттан сулуска сүүрэбин.

Олоххо уһаарыллан,
Эрэйим кэрэтиттэн үөрдүм мин,
Идэбэр быһаарыллан,
Сурукпар атын суолу көрдүм мин!

Эрэйдээх кэмнэрбэр
Этиҥтэн эмтэнэбин,
Эргиллэн кэлэрбэр
Эрэйтэн эттэнэбин!

Оо, киэҥ куйаар доҕоруом,
Үрдүбэр талаан ардаҕын өссө кут,
Оо, угуйар сулуһуом,
Махталым көмүс тылларын өрүү тут!

Оо, Ырыам,
Бүгүн эн ханна көтөҕүн,
Оо, Ырыам,
Бүгүн эн хантан көстөҕүн?

1998 с.



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).