АЙАННЬЫТ Печать    
Виталий Власов тыллара

«Оноҕос айан»
Сирилиир тыалыныын
Мин өйбөр олоҕум
Элэҥнээн ааһар.

Айаным суола
Иннибэр субуллан,
Халдьаайы быарыгар
Ыҥыра күүтэр!..

Хос ырыата:

Айанныырбын
         Күн-дьыл ыраах илдьэр,
Эдэр сааспын
         Ааспыт түүл-бит дэтэр,
Кырдьыгы көрүҥ
         Харахтарбар:
Айанньыт күн-түүн
        «Кырдьан» иһэр!

«Холорук айан»
Эриирдээх кэминиин
Маҥхайбыт баттаҕым
Хас сааспын кэпсиэ.

Биэтэгим суолун
Кэм-кэрдии көһөрөн,
Кэнчээри туйаҕым
Көлөбүн мииниэ!..

Хос ырыата:

Айанныыбын
          Саҥа хаары тэлэн,
Дабайабын
          Сиккиэр тыалы үктээн...
Батары көрүҥ
          Харахтарбын:
Кинилэр айаны
        «Олох» дииллэр!

1990 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).