КЫТАЛЫК Печать    
Макар Хара тыллара

Кыраман ыраах дойдуттан
Кылбаа маҥан кыталык
Кыырай халлаан кырсынан
Кырыйа көтөн кэлбитэ.
Кыргыс хааннаах хонуутун
Кытыытынан эргийэн,
Кыккыр-лыҥкыр санаран
Кылбалдьыта көппүтэ.

Өлгөм үрүҥ илгэнэн
Үллэ турар үрэхтээх,
Аҕырбатах арыынан
Алла турар алардаах,
Иитиллибит, үөскээбит
Энсилгэннээх Элиэнэм
Эҕэрдэтин эппитэ,
Эриэккэһин эбитин.

Кылбаа маҥан кыталык
Кыргыһыылаах кытылтан
Алаас, алаас аайытын
Айхалбытын тиэрдээри,
Эҕэрдэлии элиэтээн,
Илин кэлэн ааспытын,
Окуопаҕа сытаммын
Одуулаһа хаалбытым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).