ЧУУМПУГА Печать    
Макар Хара тыллара

Ыҥырыыга саха уола
Ыраах, ыраах барбыта,
Сырдык түүммэр айан суола
Сындалыйа сыппыта.

Суохтуур, ахтар ыйы быһа
Сурук кэлэн биэрбэккэ,
Ыллыыр тахсан доҕор кыыһа
Ыраас үрдүк биэрэккэ.

"Көмүс ырыам таптыыр уолбар
Көтөн тиийэн эн этиий!
Дойдутугар, доҕоругар
Тоҕо сурук кэлбэтий?

Ыраах бааргын чугас курдук
Ыллыыр, саныыр диэн этээр,
Сонуок ахсын өлгөм бурдук
Сонуннарын эн кэпсээр.

Чуумпу турдун дойду быыһын,
Тумул, тоҕой арааһын
Санаан аастым доҕор кыыһын,
Сайылыгын, алааһын!"

Чаҕыл ырыа намылыйар
Нуһараҥҥа, чуумпуга,
Отуу уота чаҕылыйар
Уҥуор тумул арыыга.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).