ЛЕНА БИЭРЭГЭР Печать    
Н.Сергеев тыллара

Аралыйар Ленабын,
Ама, хайаан умнуомуй,
Саба ыһар долгунун
Санаабаттаах буолуомуй!

Өрөбүлгэ сынньанар,
Өрүү таптыыр миэстэбит,
Күндү Лена биэрэгэр
Күлэ-оонньуу киирэбит.

Элбэх буолан сөтүөлээн,
Эрчимнээхтик харбыыбыт
Оҥочонон күүлэйдээн,
Уҥуор тахса сылдьабыт.

Сылаас кумах тэллэҕэр
Сынньалаҥнаан сытабыт.
Күнүн ахсын чэбдийэн
Күүһү-уоҕу мунньабыт.

Тупсан иһэр биэрэгин
Тутуулара ньиргийэр,
Дьолтон үөрэр Ленабын
Дьокуускайым киэргэтэр.

Аралыйар Ленабын,
Ама, хайаан умнуомуй,
Саба ыһар долгунун
Санаабаттаах буолуомуй?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).