КОСТЯ УОЛ ЫРЫАТА Печать    
Н. Тобулахов тыллара

Сайынҥы саймаархай салгыҥҥа
Сайыта тыыныахха көҥүлүөн,
Күөх солко күөрэгэй хонууга
Күргүөмнүк көрүлүүр күндүтүөн.
Таптыыбын күөҕүнэн чэлгийбит
Сэбиэскэй кыраайым хонуутун.
Таптыыбын оһуордаах ойуулаах
Төрөөбүт Ийэ сир дойдубун.

Эргиччи көрдөххө барыта-
Илбиргэс дьэрэкээн мутукча.
Ийэ сир мөһүүрэ сирэмэр
Имигэс сибэкки чэлгийдэ,
Үөһэттэн күлүмнэс сардаҥа
Күрүлгэн сүүрүктүү тоҕунна!

Симэхтээх, ачалаах сирэм күөх
Сэбиэскэй сирдэрим иэнигэр
Сылдьыахха, тыыныахха көҥүлүөн,
Саныахха сүрэххэ күндүтүөн,
Күндүтүөн оһуордаах, кустуктаах
Күрүлгэн күн уоттаах дойдукам!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).