ТАПТАЛЛААҔЫМ ХАРАҔА Печать    
Иван Гоголев тыллара

"Доҕоруом", - диэт, талбааран
Түүҥҥү уулуу сипсийэбин,
Оччоҕо сып-сылааһынан
Имэрийэр сүрэхпин
Тапталлааҕым хараҕа,
Күлүм-мичил хараҕа.

"Сэгэриэм", - диэн сиккиэр тыаллыы
Сэмээр үөһэ тыынабын,
Оччоҕо махтаммыттыы
Сайа көрөр дууһабын
Тапталлааҕым хараҕа,
Ыраас-ыраас хараҕа.

Үөрэр-көтөр күндү чааспар,
Тэҥҥэ күлүөх, ыллыах диирдии,
Хоту кыраай чаҕылхай
Чолбонунуу мичээрдиир
Тапталлааҕым хараҕа,
Кэп-кэрэ хараҕа.

Туохтан эрэ санаам түһэн
Мунчаарар кэммэр куруук
Күһүннү чуумпу киэһэ
Халлааныныы одуулуур
Тапталлааҕым хараҕа.
Хап-хара хараҕа.

Сэмэлиирдии-буруйдуурдуу,
Өгүрүччү-төгүрүччү
Мин диэки көрүмүөхтүн
Иэйэхсиппэр эрэ холуур
Тапталлааҕым хараҕа,
Санньыар, хараан хараҕа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).