ОҺУОРДЬУТ КЫЫС Печать    
Иван Гоголев, Иван Федосеев тыллара

Кыталык моонньунуу
Кылбаҕар тарбаҕын
Уустуктаан ойуулуур
Муус маҥан таҥаһы.

Өлүөнэ уутунуу
Ып-ыраас сүрэҕин
Төлөнүн оһуордуу
Түһэрэн эрдэҕин.

Олоҥхо намылхай
Маһыныы айгыраан,
Көһүннэ хомускар
Хоһуллар киэҥ кыраай.

Ол онно кубалар
Кылбаҥныы көттүлэр,
Дьэрэкээн сыһыылар
Күөҕүнэн күллүлэр.

"Уруйдааҥ!"- диэбиттии,
Киирбэт күн мичээрдэ,
Номоххо этэрдии,
Саас мэлдьи эргийдэ.

Эн уран тарбаҕын
Кичэйэн, киэргэтэн,
Эн баҕа санааҕын
Поэттыы кэпсээтэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).