БЭҔЭҺЭЭ КУЛУУП ДЬИЭТИГЭР Печать    
Семен Данилов тыллара

Бэҕэһээ кулууп дьиэтигэр
Биэс уол кэлэн тохтообут.
Ити эдэр эрэттэр
Инженердар дэһэллэр.

Оо, тэҥнээх да доҕоттор,
Уой, үчүгэй да уолаттар.

Көмүһү, чоҕу булааччы
Күрэхтээх да дьон үһүлэр;
Иччитэх Сиинэ сиһин
Киэргэтиэхпит дэһэллэр.

Оо, үксү да кэпсииллэр
Уой, өйдөөх да уолаттар.

Киэһэ кулууп таһыгар
Бэһиэн тахсан туойдулар,
Оҕолору мунньаннар
Оһуохайдаан тэйдилэр.

Уой, кэрэтик да туойаллар
Оо, көрдөөх да уолаттар.

Хайыахпытый дьүөгэлэр,
Хайалар көһүтэллэр,
Аттар суолга бэлэмнэр
Ахтар буолуҥ дэстилэр.

Уой, үчүгэй да уолаттар
Оо, тохтуу да түспэттэр.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).