ТААРЫЙ, ТААРЫЙ ХОМУСКУН Печать    
Баал Хабырыыс тыллара

Ходуһаҕа косилка
Курулуура уурайда,
Талах отуу таһыгар
Торҕо буруо унаарда.
Үлэ, таптал дьолунан
Сүрэхтэри долгутан,
Талба-нарын соҕустук
Таарый, таарый хомускун!

Комсомоллар, ыччаттар
Хотуурбутун сүктүбүт.
Алаас чэл күөх ачатын
Биһи охсон бүттүбүт.
Кырыымпалыыр куоластаах
Кыталыгы санатан,
Нарын, нарын соҕустук
Таарый, таарый хомускун!

Харах ылбат туоралаах
Хадьымалбыт кэҥээтэ,
Бүгүн ордук кыайыылаах
Биригээдэ үлэтэ.
Үтүө-мааны доҕорум,
Үрүн көмүс туллугум,
Нарын, нарын соҕустук
Таарый, таарый хомускун!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).