БҮЛҮҮ Печать    
Леонид Попов тыллара

Бүлүү, Бүлүү эбэккэбин
Бүгүн өйдөөн кэллим мин:
Кэҕэ этэр, өтөн үөтэр
Кэрии, чараҥ сирдэрдээх,
Дьэргэйбэхтии сүүрэр-көтөр
Дьигискэннээх сүүрүктээх.

Бүлүү, Бүлүү эбэккэбин
Бүгүн өйдөөн кэллим мин:
Туустаах маҥан хайалара
Туналыһан тураллар,
Налыы-намчы сыһыылара
Намылыһан сыталлар.

Бүлүү, Бүлүү эбэккэбин
Бүгүн өйдөөн кэллим мин:
Тыраактардаах уолаттара
Дьолбут суолун солууллар,
Косилканан кыргыттара
Окко оһуор анньаллар.

Бүлүү, Бүлүү эбэккэбин
Бүгүн өйдөөн кэллим мин:
Самолеттар тигинииллэр
Былыттары быыһынан,
Борокуоттар эрдинэллэр
Ньурба, Сунтаар аннынан.

Бүлүү, Бүлүү эбэккэбин
Бүгүн өйдөөн кэллим мин -
Ууга көстөр: сырдык, кэрэ
Уһун куорат күлүгэ.
Үлэ, үөрүү, дьолбут сирэ
Буолла Бүлүү биэрэгэ!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).