КЫЫС ЫРЫАТА Печать    
Күннүк Уурастыырап тыллара

Үтүө нуурал киэһэбэр,
Үрэх чуумпу биэрэгэр,
Гитаратын тыаһата
Кыысчаан ырыа ыллаата:
«Ыраас уулаах үрэҕим,
Ыраах устан кылбаарый,
Оҕо туҥуй сүрэҕим,
Оргууй таалан ылаарыый.

Көссүө, сэмэй сэгэттэй
Көрсө кэлиэх буолбута;
Экчи тиийиэм диэн этэ,
Эрэннэрэ турбута.
Дьолбун булбут туллукпун,
Доҕоччукпун саната,
Тохтор көмүс дорҕооҥҥун
Долгуһутуй, гитара.

Эппит тылын сэгэрим
Номнуо хайдах умнуоҕай?
Эдэр, истиҥ биэбэйин
Туохтан кини тумнуоҕай?
Кэлиэ талах мутугар
Чыычаах нуктаан ылыыта,
Таастаах элгээн уутугар
Тырым сулус тыгыыта.

Уйарҕаабыт сүрэҕим
Уйгуурума, оо, уоскуй.
Оттон чаргы үрэҕим,
Оонньуу-күлэ, эн устууй».
Чуумпу көҥүс үрдүгэр
Кыысчаан ырыа ыллыыра,
Нуурал түүнүм үөһүгэр
Гитарата тыаһыыра.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".