СААСКЫ ЫРЫА Печать    
А. Абаҕыыныскай тыллара

Тымныы кыһын үүрүллэн
Дьыбар кыыдаан кыйданна,
Күндэл сааспыт эргиллэн
Күммүт күлүм уоттанна.

Чооруос бэркэ чуочайда,
Чуучугуруу чуопчаарда.

Халдьаайыттан чарылаан
Хаарбыт уута суккуллар,
Күрүлгэҥнэ маарыннаан
Көнүстэргэ кутуллар.

Күөрэгэйбит тайаарда,
Күнү көрсө ыллаата.

Оҕо аймах мустуһан,
Көрү-нары түһэрдэ,
Ойуур устун сырсыһан,
Күөххэ дайан көччүйдэ.

Кэрии тыаҕа, куулаҕа
Кэҕэ түһэн чогдуйда.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).