ААС МАҤАН БАТТАХТААХ ЭМЭЭХСИН Печать    
Михаил Тимофеев тыллара

Бу манна бүтэйдээх төгүрүк алааска,
Олоорто эбэбит эмээхсин.
Оор да өр күүлэттэн күүппүтэ, муҥ саатар,
Биир уола эргиллэн кэлиэҕин.

Хос ырыата:

Бу манна олоорто, бу үрдүк тумулга
Аас маҥан баттахтаах эмээхсин
Күүппүтэ оҕотун, уот отто, уу баһа
Кууһара күн уоттаах сэргэтин...

Биэс уола, ат бөҕө, кус быһый эрэттэр,
Баартара бу мантан сэриигэ.
"Эн уолуҥ хорсуннук өллө"- диэн кэлбитэ
Биэс төгүл "биллэрии" суруга!..

Хос ырыата.

Чаанньыгын өрөрө, суол төрдүн кэтиирэ
Эрэлин сүтэрбэт эмээхсин,
Уолаттар оттообут, мастаабыт сирдэрэ
Саас аайы тиллэрэ кэрэтик!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).