КЫТАЛЫКТАР

П. Тобуруокап тыллара

Маҥан солко былаатынан
Мааны кыыстыы далбаатанан,
Көмүс былыт кытыытыгар
Көтөн тахсыҥ, кыталыктар,
Көтөн тахсыҥ, кыталыктар!

Кыҥкынаһыҥ-лыҥкынаһыҥ,
Кынаккытын кылбаҥнатыҥ,
Кынаккытын кылбаҥнатыҥ!

Сахам сирэ, Лена эбэм,
Сардаҥалаах Ийэ сирим
¥өрэ-көтө иһиттиннэр,
Үүнэ-тупса чэлгийдиннэр,
¥үнэ-тупса чэлгийдиннэр.

Кыҥкынаһыҥ-лынкынаһыҥ,
Кынаккытын кылбаҥнатын,
Кынаккытын кылбаҥнатын!

Айгыр-силик айылҕалаах
Аан дойдуну эргийтэлээҥ.
Эйэ сирин итии тыллаах
Эҕэрдэтин тиэрдитэлээҥ,
Эҕэрдэтин тиэрдитэлээҥ!

Кыҥкынаһыҥ-лыҥкынаһыҥ,
Кынаккытын кылбаҥнатыҥ,
Кынаккытын кылбаҥнатын!