САҤА ХААР Печать    
Николай Чуор тыллара

Саҥа хаар килбик кыыс кэриэтэ
Сибиэһэй ып-ыраас бэйэтэ,
Айылҕа дьиктилээх кэрэтэ
Абылыыр, долгутар да этэ.

Хос ырыата:

Саҥа хаар, саҥа хаар,
Саҥа суол кэриэтэ.
Саҥа хаар, саҥа хаар,
Саҥа дьол бэлиэтэ.
Саҥа хаар, саҥа хаар,
Саҥалыы олоҕу,
Саҥаттан тутарга
Ынырар, угуйар.

Эн биһи иккиэйэх этибит
Үрүҥ хаар үнкүүлүүр күнүгэр,
Симиттэ сиэттиһэн иһэрбит
Сир Ийэ күлүмнүүр күөнүгэр.
Саҥа хаар — бу олох салҕанар
Дьиктилээх ураты бэлиэтэ,
Саҥа хаар - айылҕа барҕарар
Күөх быйаҥ муоратын кэриэтэ.

Хос ырыата.

Айылҕа бу дьикти бэлэҕэ
Күндүгүн хас киһи сүрэҕэр,
Саҥа хаар үйэттэн үйэҕэ
Саҥалыы сандааран түһүөҕэ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).